CAMPIONATO COMARCAL DE CAMPO A TRAVÉS

 Fantástica participación do noso alumnado no campionato comarcal de campo a través que se celebrou na complexo deportiva municipal "O Xestal" e foi organizado pola agrupación deportiva escolar O Ribeiro a través do progama XOGADE.

Foron máis de 90 alumnos e alumnas do I.E.S. O Ribeiro os que puxeron a proba a súa resistencia nesta xornada deportiva e á vez desfrutaron dun día cargado de diversión, convivio e saúde. 

Se ben o importante era desfrutar dunha mañá de exercicio físico e saúde, a continuación imos citar ao alumnado do noso centro que destacou en cada categoría:

Categoría Cadete Feminina:

• Xiana Álvarez (1º posto)
• Emma Villanueva (2º posto)
• Alexandra Sande (3º posto)

Categoría Cadete Masculina:

• Yahya El Mansouri (1º posto)
• Álvaro Rodríguez (2º posto)
• Cristian Bernárdez (3º posto)

Categoría Infantil Feminina:

• Sara Bernárdez (2º posto)
• Noelia Fernández. (3º posto)

Categoría Infantil Masculina:

• Gabriel Fernández (1º posto)

En breve, cando teñamos os resultados oficiais por parte da organización, indicaremos quen pode participar na fase provincial que tamén se celebrará en Ribadavia!.

Unhas fotiños:

MAGOSTO NO I.E.S. O Ribeiro

Pechamos a semana celebrando o Magosto do centro, unha xornada divertida e cargada de actividades, música e por suposto castañas.

Coa colaboración do Equipo de Dinamización Lingüística, o Departamento de Educación Física, o equipo directivo e a ANPA desenvolvéronse as seguintes actividades:

• Actuación do grupo de pandeireta do centro, A Fuscalla.
• Pinchada de música en galego.
• Reparto de bolos preñados, castañas e chocolate.
• Xogos tradicionais e populares.

No marco do Proxecto de vida activa e deportiva desenvolvéronse os xogos tradicionais e populares nos que o alumnado de 4º da E.S.O. dirixidos polo profesor de Educación Física Bruno, animaron, organizaron e desenvolveron os seguintes xogos:

1. Billarda.
2. Chave.
3. Xogos de bolos.
4. Tiro de corda.
5. Carreira de sacos.
6. Carreira "Os tres pés".
7. Habilidade con zancos.
8. "Mariola" ou "truco".

Alumnado e profesorado desfrutaron desta fantástica xornada con diversión e convivencia. Agora toca a seguir vivindo outros magostos durante a fin de semana.

Algunhas fotos da actividade: