FESTIVAL DE ENTROIDO

Hoxe vivimos con moi bo ambiente o Festival de Entroido onde puidemos desfrutar do ritmo e diversión que nos transmitiu o alumnado participante. O festival foi organizado coa iniciativa do profesor Bruno e agardamos que se asente coa participación de máis alumnado ano tras ano.

Queremos agradecer ao alumnado e profesorado implicado por aportar o seu graniño de area e contaxiar ao centro do espírito entroideiro!

Felicitar a tódolas comparsas polas súas coreografías e especialmente a Pitufos de 4º ESO A, La despedida de 4º ESO B , e Zumba das rapazas de 3º ESO A por acadar os premios outorgados polo xurado.

Algunhas fotiños:

1º ESO C

1º ESO D

Zumba - 3º ESO A

Zumba - 3º ESO A

3º ESO B

Pitufos

O xurado

XOGADE: XOGANDO CO ATLETISMO

 No marco do programa XOGADE, un grupo do alumnado de 1º da ESO asitíu hoxe ao evento de atletismo "Xogando co atletismo" onde, organizados en 3 equipos, puideron practicar este apaixonante deporte na espectacular pista cuberta de Ourense.

Compartimos este evento con outros 4 centros (Carballiño, Coles, Cea, Chantada).

As probas que experimentaron foron:

• Lanzamentos: Peso e Xavelina (adaptado con Vortex).
• Saltos: Altura e lonxitude.
• Carreiras: Valos e remudas.

Seguimos a ofertar experiencias motrices variadas co obxectivo de que o alumnado amplíe a súa cultura motriz e co desexo de que atopen o seu lugar na práctica de exercicio físico para consolidar un estilo de vida activo e saudable.

E o máis importante, queremos felicitar ao alumnado participante polo seu bo comportamento e implicación, pois facilitaron o bo desenvolvemento do evento en todo momento. Así da gusto!

Algunhas fotos: